Соединетите Држави ќе ѝ дадат на Украина пакет со оружје во вредност од 725 милиони долари, изјави американскиот државен секретар Ентони Блинкен. Блинкен во рече дека пакетот помош за Украина, меѓу другото, ќе вклучува и ракети Стингер, муниција за артилерискиот ракетен систем со висока мобилност (HIMARS), беспилотни летала и мини, пренесе Ројтерс.
„САД и повеќе од 50 нации се обединети за да обезбедат Украина да ги има потребните капацитети да се одбрани од руската агресија“, рече Блинкен.
Најавата претставува нагло зголемување од неодамнешната употреба на американскиот претседател Џозеф Бајден на таканаречената Претседателска управа за повлекување (ПДА), која им овозможува на САД да ги користат своите сегашни залихи оружје за да им пружат помош на сојузниците во итен случај, според Ројтерс.
