Блок тарифи за струјата и за компаниите
По примерот на домаќинствата, Регулаторната комисија за енергетика со помош на експерти подготвува блок тарифи и за стопанството. Новиот начин на пресметка на цената за граѓаните, кој повеќе троши повеќе и да плати, дава резултат. Регулаторот вели дека потрошувачката на струја во земјава се намалува, а граѓаните штедат. Останатите детали, за можно поскапување на струјата по нова година, по која цена се договара бугарската струја, што прво ќе се гаси доколку има рестрикции во вечерашниот Економски магазин на Алсат.
„Тоа што е битно и што сакам ексклузивно да кажам во Вашата емисија, дека заедно со Електротехничкиот факултет, како што работевме за воведување на блок тарифи за домаќинствата, почнавме првични анализи за можноста за воведување на блокови и кај малите потрошувачи. Целта е да се ублажи ударот од високите цени“, рече Бислимовски.
