Борел: Соработката е најдобар начин да се надмине наследството од минатото

Шефот на ЕУ дипломатијата Јосеп Борел, претпладнево се обрати преку видеопорака на Самитот во Софија во рамките на Берлинскиот процес и побара да се задржи позитивниот тренд, вклучително и со отворањето преговори за членство со Скопје и Тирана, јави дописничката на МИА од Брисел.

– Западниот Балкан е во срцето на Европа и нивната иднина е во Европската Унија, затоа нашиот ангажман бил и останува силен, изјави Борел на почетокот на неговото обраќање до лидерите учесници на самитот чии домаќини се Бугарија и Северна Македонија.

Главна тема на неговиот говор очекувано беше предизвикот од Ковид-19 и неговите последици.