Бугарија и Македонија не отстапуваат од своите позиции за вклучување на Бугарите во Уставот
Бугарија и Македонија не отстапуваат од своите позиции за вклучување на Бугарите во Уставот
В среда, се очекува Европскиот парламент да гласа за нацрт-верзијата на извештајот за напредокот на Северна Македонија.
Во врска со извештајот подготвен од европратеникот Томас Вајц, најавено е дека Бугарија, преку европратениците на ГЕРБ, ќе поднесе амандман во врска со прашањето за македонскиот идентитет и јазик. Се бара формулацијата на идентитетот како „вековен“ да се отстрани и на нејзино место да се стави формулацијата „сегашен“. Ова, според премиерот Христијан Мицкоски, е обид за создавање нова вештачка македонска нација, со бугарски корени.
Во меѓувреме, потребните уставни измени, кои се услов за започнување преговори со Европската Унија, се чини дека се далеку. Премиерот претходно изјави дека нема поместување во однос на прашањето за уставните измени, сè додека Македонците не бидат вклучени во Бугарскиот комитет за малцинства. Оваа изјава наиде на реакција од официјална Софија, која нагласи дека и тие нема да отстапат од своите позиции за уставните измени, кои се дел од преговарачката рамка./Алсат.мк
Суад Бајрами
