Бугарија свесена дека во Македонија нема политички консензус за дијалогот

Бугарија во документ ќе ги напише обврските на сите домашни институции во однос на процесот на дијалог со С Македонија. Ова ќе биде меѓу првите задачи на бугарското МНР под раководство на новиот привремен министер Николај Милков.

Advertisements

Тој, пред медиумите, изјави дека е свесен оти во Скопје нема политички консензус во дијалогот со Софија, па рече дека целта им е државата да им биде партнер, а не политичките партии.

„Ќе треба да направиме писмен документ во кој ќе се дефинираат должностите на разните институции и организации во однос на тоа што треба да се прави во иднина во нашите односи со Северна Македонија, со цел да се постигне систематски пристап, јасно да се напишат обврските и одговорностите за да може да се очекуваат резултати. Се надевам дека ќе има процедури за консолидација и во Република Северна Македонија за тоа што можеме да направиме во позитивна смисла, бидејќи за жал и да имаме консензус за Северна Македонија, консензусот не е видлив таму“, рече Николај Милков, привремен министер за надворешни работи.

Заменичка на Милков во привремената влада во Софија останува Велислава Петрова, која беше на истата функција и во времето на министерката Теодора Генчовска. Милков изрази задоволство од работата на претходната бугарска влада на полето на дипломатијата.

Бугарија ќе оди на предвремени парламентарни избори на 2 октомври бидејќи политичката влада на премиерот Кирил Петков падна делумно и поради случувањата околу Македонија и кревањето на ветото. Привремената влада моментално ја предводи поранешниот министер за труд Галаб Донев./Alsat.mk

Фатлуме Дервиши