Бугарската социјалистичка партија нема да го врати третиот и последен мандат за формирање влада, одлучи Националниот совет на партијата. Извршното тело на бугарските социјалисти со 96 гласа „за“, 15 „против“ и два воздржани гласаше нивната партија да се обиде да го реализира мандатот, наместо да му го врати на бугарскиот претседател Румен Радев. Се очекува БСП до парламентот да предложи законодавна програма со 97 мерки – измени на закони, предлози за избор на раководни функции. Програмата ќе биде шестмесечна – до крајот на годината и ќе послужи како тест за можната поддршка за кабинет.
Advertisements
