Дали МВР е подготвено утре некому да забрани влез во земјава? Еве што вели Спасовски

Министерството за внатрешни работи нема да дозволи влез на македонска територија на лица коишто нема да ја почитуваат државата и народот, рече во своето вечерашно гостување во емисијата „360 Степени“ на Алсат министерот за внатрешни работи Оливер Спасовски. Запрашан дали МВР е спремно утре некому да не дозволи влез, Спасовски вели:

„Да, подготвено е да забрани на секој еден којшто апсолутно нема да ја почитува оваа држава и овој народ…ако е чествување, тоа треба да биде достоинствено. И почитта кон тој македонски великан треба да биде од сите“, рече Спасовски.