Дебата меѓу власта и опозицијата за предлог законите за основно и средно образование
Дебатата во Собранието за предлог законите за основно и средно образование се фокусираше на уставноста на предлогот на Министерството за образование. Опозицијата од редовите на Албанците бара општините да не бидат дискриминирани. Според пратеникот Халил Снопче, Владата не може да го каже последниот збор без претходна консултација со надлежните органи кои управуваат со основните училишта.
„Ние не интервениравме за да не го има последниот збор Владата, туку побаравме претходна консултација и мислење од локалните самоуправи. Зошто? Бидејќи општините најдобро ја знаат состојбата во училиштата, тие најдобро ги знаат проблемите со кои се соочуваат, училишната инфраструктура, итн. Зарем не е морално да се добие мислење од училиштата?“, рече Халил Снопче- заменик на АА.
Пратениците на ВМРО ДПМНЕ побараа појаснување за тоа како ќе се спроведуваат указите по сила на закон, без вонредна состојба на сила. Партијата на Мицкоски не ги оспорува предложените мерки, туку начинот на нивна примена.
ВМРО ДПМНЕ бара заедно со законските измени да се донесе и заеднички заклучок за наставниот процес од март до август, кој според нив, не продолжил на вистински начин. Пратениците од опозицијата побараа од министерката Царовска и поранешниот министер Арбер Адеми да дадат детали за техничките услови за учениците кои треба да следат настава од далечина.
Адриан Керими
