Дел од пациентите повредени во трагедијата во Кочани и натаму се во тешка состојба
Дел од пациентите повредени во трагедијата во Кочани и натаму се во тешка состојба
На околу 60 пациенти кои беа повредени во трагедијата во Кочани сè уште им е потребна медицинска помош, додека 40 пациенти моментално се на физикална терапија. Пациентка која била лекувана во Србија и која се вратила во земјата, сè уште е во критична состојба, со тешки изгореници и оштетување на дишните патишта. Директорката на Клиниката за пластична хирургија изјави дека пациентите кои неодамна се вратиле имаат подлабоки изгореници, а кај некои од нив ќе биде потребна трансплантација на кожа.
45 здравствени работници беа обучени од британски експерти за третман на изгореници, со цел да се подготват за грижата за пациентите во следниот период. Од утре, специјалисти од домашните клиники ќе ја проценуваат здравствената состојба на пациентите кои се лекувале дома и во странство.
Домашните власти ќе побараат и медицинско мислење од експертски тим од Израел, за тоа како понатаму да се постапува со третманот на раните кај повредените пациенти.
Повредените пациенти од трагедијата во Кочани и понатаму добиваат психолошка помош, а им се препорачува да не се изложуваат на сонце./Алсат.мк
Линда Ебиби
