Детали од нападот на екипа на Алсат во Визбегово
Екипата на Алсат телевизија, новинарот Авни Тахири и снимателот Шенол Хајредин беа нападнати од сопственикот на компанијата „АСД МЕТАЛ ГРУП“ Александар Николчев во Визбегово додека известуваа за пожарот што го зафати складиштето за старо железо.
Прв нападнат беше снимателот Шенол Ајредин. Сопругата на Александар Николчев го зграбила за вратот, а потоа сопственикот Николчев го удрил со тупаница во главата. Откако снимателот Ајредин паднал на земја, неговата сопруга се продолжила да го удира по телото, нанесувајќи му телесни повреди за кои тој поседува и лекарско уверение и соодветни снимки. Потоа беше нападнат новинарот Авни Тахири, удрен по лицето, а неговиот мобилен телефон, во кој се наоѓаа снимки од случајот, лични информации, банкарски податоци и семејни фотографии, беше одземен. Мобилниот телефон на новинарот Тахири нема пристап до мрежа, веројатно Николчев го фрлил мобилниот телефон во огнот додека се обидувал да избега од местото на настанот.
Во 11:30 часот, Александар Николчев беше уапсен од полицијата.
Александар Николчев стои како сопственик на компанијата „АСД МЕТАЛ ГРУП“. Компанијата, според податоците што ги добивме од Министерството за животна средина, нема дозвола за работа. Се наоѓа на парцела која се појавува на име на Катерина Илиевска и Маја Караманова. Нејзиниот број на мобилен телефон и бројот на Александар Николчев се исто така наведени во јавните евиденции на компанијата.
Кој е Александар Николчев, лице со криминално минато, познато на органите за спроведување на законот и со криминално досие за меѓународна трговија со дрога? По потекло од Велес, жител на Скопје, уапсен и осуден во 2013 година како дел од групата што работела за „Франкфурт мафија“.
Тој моментално е во полициската станица, осомничен е за: напад врз службено лице, предизвикување општа опасност, тешки дела против безбедноста и тешки дела против здравјето на луѓето.
Освен органите за спроведување на законот, за нападот врз екипата на Алсат М телевизија се информирани и дипломатските мисии и здруженијата на новинари.
Алсат
