Џафери не ги коментира најавите за уставни измени и за референдум

Претседателот на Собранието Талат Џафери на денешната средба со новинарите изјави дека не се подготвува за предвремени избори, потсетувајќи ја притоа опозицијата дека за тоа се потребни претходни подготовки имајќи предвид дека сто дена пред вакви избори е потребно формирање техничка Влада. Џафери рече исто така дека е преурането да ги коментира најавите за уставни измени и за референдум во врска со европскиот предлог. „Нема материјал за да се изјаснам. Опозицијата хипотетички прави ситуација“, рече тој.