ДИК – Арсовска со околу 5000 гласови предност пред Шилегов, преброени 90% од гласовите

По 90 проценти од обработените податоци за градоначалник на Град Скопје, според податоците објавени на веб страницата на Државната изборна комисија (ДИК), независната кандидатка, поддржана од ВМРО-ДПМНЕ Данела Арсовска има 76 662 гласови (37,17% од гласовите), а кандидатот на СДСМ, Петре Шилегов  71 859 (34,84 отсто).

Потоа следат Перо Георгиевски од Левица, со 17 906 (8,68%), Арбен Шаќири од ЛДП/ДОМ со 8 290 (4,04%), Ана Петровска од Зелен хуман град 8 443 (3,91%).