ДИК информираше за излезноста на изборите до 11:00 часот

По обработени податоци од 2080 избирачки места, до 11:00 часот на гласање за претседател излегле 12,87% од лицата со право на глас, односно 141.087 лица, соопшти претседателот на ДИК, Александар Даштевски. Како што рече тој, во моментов најголема излезност за претседателските избори има во Пробиштип (27,85%), а најмала во Липково (1,76%)

Во однос на излезноста на парламентарните избори, до 11:00 часот, по обработени податоци од 1976 изборни места, гласале 13,69%, односно 140.990 лица. Според податоците на ДИК, најголема излезност за парламентарните избори има во Кривогаштани (28,38%), а најмала во Врапчиште (5,2%).