Италијанскиот репрезентативец Федерико Димарко најдобро го образложи синоќешното реми на моќната Италија со Македонија во Скопје.
Актуeлниот европски првак повторно се „лизна“ против храбрите македонски фудбалери, а членот на Интер вели дека по водечкиот гол престанале да играат и во вакви натпревари тоа е грешна опција.
„По водечкиот гол престанавме да играме, а во вакви натпревари тоа е грешна опција. На македонскиот тим му требаше еден слободен удар. Ако играме како во првиот дел и ја контролираме топката и играта, на добар пат сме. Не треба да грешиме како во вториот дел, против Украина ќе биде уште потешко. Сепак, ние сме Италија и верувам дека на „Сан Сиро“ ќе ја добиеме и потребната поддршка за да се радуваме“, рече Димарко.
Македонија пред нешто повеќе од една година ѝ го зададе можеби најголемиот удар на „аѕурите“ во историјата, бидејќи со победата во Палермо ги оставија без борба за пласман на Светското првенство во Катар
