Димитров: Внуците нема да ни простат за задолжувања поради зголемување на платите

Следните генерации нема да ни простат ако сме се задолжувале со кредити за да си ги зголемиме платите, вели Ангел Димитров од Организацијата на работодавачи. Како што вели тој во своето вечерашно гостување во емисијата „Економски Магазин“ на Алсат, задолжувањето за изградба на нова инфраструктура би било мошне поприфатливо за идните генерации отколку кредитирање за субвенција на платите.

Advertisements

„Ако сме се задолжиле да им направиме нова инфраструктура или нови болници, тие ќе живеат во тоа, па и да ги плаќаат тие трошоци е ОК. Но, ако земеме трошоци за зголемување на платите и земеме кредити за тоа, не верувам дека нашите внуци ќе ни простат“, рече Димитров.