Директорот на Средното исламско училиште „Медресеја Иса Беу“, Ислам Ислами, ја оцени како исправна законската регулатива со посебен закон за медресето, со кој не само што се уредува статусот на училиштето, туку и се овозможува медресантите да се запишуваат на универзитетите

Ислам Ислами, директор на Средното исламско училиште „Медреса Иса Бег“:
„…Ова е една посебна историја која по многу обиди, нè доведе до една исклучително силна состојба, каде што со закон ќе се регулира статусот на медресето ‘Иса Беу’ со сите нејзини паралелки.“

Advertisements

Директорот на Средното исламско училиште „Медреса Иса Бег“, Ислам Ислами, изрази задоволство од законското решение со кое на медресантите ќе им се овозможи да се запишуваат на сите универзитети во земјата, со единствен услов – полагање на државната матура. Според законското решение, кое се очекува во наредните денови да биде ставено на владина седница за усвојување, верските училишта, како Православната богословија „Св. Климент Охридски“ – Скопје и Средното исламско училиште „Медреса Иса Бег“ – Скопје, ќе ги приспособат своите наставни програми, комбинирајќи ги со оние на гимназиите и верската настава, во согласност со нивниот статус како верски училишта.

Во интервју за АЛСАТ, директорот на Средното исламско училиште „Медреса Иса Бег“, Ислам Ислами, објасни како ќе изгледа новата наставна програма.

„Сите овие предмети од гимназијата ги имавме и претходно, заедно со верските но сега со закон ние ќе се усогласиме со Министерството за образование така што гимназиските предмети ќе бидат под надзор на Министерството за образование. По завршувањето, односно по четирите години школување, медресантот ќе полага државна матура и по полагањето на државната матура ќе има право да се запише на секој универзитет надвор од верските, на различни универзитети во Република Северна Македонија. Значи, со овој закон, Средното верско исламско училиште „Медреса Иса Бег“ ќе добие ист третман како сите јавни средни училишта во Северна Македонија“ – Ислам Ислами, Директор на Средното исламско училиште „Медреса Иса Бег“.

Како што откри од содржината на нацрт-законот пред неколку дена Алсат, Бирото за развој на образованието ќе биде надлежна институција за усогласеноста на наставните програми на верските училишта. За да даде позитивно мислење, Бирото треба да утврди дека наставните програми на овие училишта се усогласени со Концептот за државната матура, Школската матура и Завршниот испит, кои се одобрени од страна на Министерството за образование. Не е исклучена и можноста за правно решение и за оние медресанти кои веќе се во тек на студии а кои не се опфатени со новото законско решение.

„…Ќе има и ретроактивност на законот или друг вид на надзор за да им се овозможи и на тие ученици да се запишат, значи ќе се задржиме и ќе работиме на овој сегмент” – Ислам Ислами, Директор на Средното исламско училиште „Медреса Иса Бег“.

Ислами изјави дека законското решение обезбедува конечно решавање и на статусот на медресето, по 30 години од неговото функционирање. Претходното решение на техничкиот премиер Талат Џафери беше укинато од Уставниот суд во април годинава, но преку политичка волја, беше понудено уште подобро решение.

Ислам Ислами, директор на Средното исламско училиште „Медреса Иса Бег“
„…Оваа актуелна влада, за нас и посебно за ‘Медреса Иса Бег’, тоа што го кажа, верувам дека е на пат да го заокружи на најдобар можен начин и онака како што треба да се направи.“