Додека постарите генерации се подготвуваа за верските празници, се чини дека се повеќе млади луѓе се откажуваат од традицијата
Додека постарите генерации се подготвуваа за верските празници, се чини дека се повеќе млади луѓе се откажуваат од традицијата
Шекепаре или баклава. Двете традиционални слатки во Полог што се подготвуваат за празникот Бајрам… Со голема радост во секој дом, денот пред Бајрам, се подготвувала традиционалната шекерпара. Но, некои граѓани што ги анкетиравме во Тетово велат дека денешните млади дури и не знаат како да направат шекерпара. Велат дека им е полесно да одат во слаткара отколку сами да си готват.
„Младите луѓе повеќе не сакаат да го прават тоа, не сакаат да го спремат. Ретко има кој прави шекерпара, нема веќе“, рече еден жител.
„Сакале или не, слаткарницата е евтина, тоа е тоа“, нагласи еден друг жител.
А за да имаат шекерпара или баклава за Бајрам, слаткарите во Тетово велат дека резервациите мора да се направат еден ден однапред,.
„Баклавата, тулумбите, боемите се најбарани. Бараат шекерпара, но ние веќе не ја правиме. Треба да ја нарачат ден однапред и ние ја правиме“, изјави Редон Илјази- менаџер на слаткарница.
Главниот обред на овој Бајрам е колењето на Курбанот. Продавачите велат дека интересот од граѓаните е намален.
„Има колку што сакате стока, но некои имаат пари да купат, а некои немаат“, рече еден Продавач на добиток.
„Оваа година е послаба од минатата година, бидејќи влијае тоа што некои оџи ги спушаат цените на курбаните за милостина. Цените се уште малку пониски од минатата година“, изјави еден Продавач на добиток.
Во врска со колењето и фрлањето на кожата на добитокот, општина Тетово апелираше тие да се фрлаат на собирен пункт, со цел да се зачува животната средина и да не се фрлаат во контејнери.
Башким Сулејмани
