Досега се вакцинирани околу 52.000 лица против Ковид
Досега се вакцинирани околу 52.000 лица против Ковид, додека околу 200.000 се пријавиле да се вакцинираат. Во салата А1 Арена, „Борис Трајковски“ во Скопје се вакцинираа граѓани со Спутник. Дел од дозите за ревакцинација пристигнаа во неделата, додека останатите се очекува да пристигнат во текот на денот. Во меѓувреме, со нови 10 илјади дози Фајзер, ќе се вакцинираат други граѓани. 200 000 кинески вакцини се очекуваат кон крајот на април.
Со 200 илјади кинески дози, ќе бидат вакцинирани граѓаните пријавени преку веб- страницата vakcinacija.mk . Во мај се очекуваат 500 илјади дози „Синовак“, што предвидува значително зголемување на бројот на имунизирани и вклучување на разни категории кои сакаат да бидат приоритет.
Министерството за здравство сè уште не започна кампања за зголемување на бројот на заинтересирани за вакцинација, а материјалите кои беа најавени за денеска, се уште не се објавени.
vjollca Aliti
