Државниот пазарен инспекторат (ДПИ) синоќа казнил и пломбирал уште пет маркети ширум земјава кои не ја испочитувале одлуката за ограничување на цените на дел од прехранбените производи за кои Владата одлучи дека ќе се продаваат по „гарантирана цена“ до 30 ноември.
Advertisements
За ова на својот профил на Фејсбук синоќа информира првиот човек на Пазарен, Горан Трајковски.
„Казнети се и затворени пет маркети во Кавадарци, Гостивар, Куманово и Тетово“, пишува Трајковски на Фејсбук.
Во објавата на Фејсбук, директорот на ДПИ потенцира дека инспекторите нема да прават компромис ниту селекција кога, како што вели, е во прашање интересот на граѓаните.
