ДУИ го номинираше Талат Џафери за прв премиер Албанец
ДУИ го номинираше Талат Џафери за прв премиер Албанец
Претседателството на Демократската унија за интеграција на денешната средба донесе одлука за номинирање на актуелниот претседател на Собранието Талат Џафери, за технички премиер.
„ДУИ го предлага Талат Џафери за премиер на Владата, кој ќе биде на власт од крајот на јануари до изборот на новата Влада“, изјави Бујар Османи, портпарол на ДУИ.
Во однос на можните предизборни коалиции, според Османи, партиските тела го овластиле Али Ахмети да ги продолжи преговорите и да ѝ предложи на партијата одлука со која ќе излезе на изборите.
„Ги анализиравме сите можни опции и варијанти за учество, како сама партија и како дел од европскиот фронт и го овластивме претседателот Али Ахмети да ги продолжи разговорите и да ѝ предложи на партијата одлука која ќе биде одобрена во партиските органи“, рече Бујар Османи, портпарол на ДУИ.
Во рамките на централното раководство на ДУИ се разговараше и за внатрепартиските избори кои треба да следат. Тема на дискусија биле и претседателските избори.
Адриан Керими
