ДУИ и СДСМ далеку од заеднички претседателски кандидат
ДУИ и СДСМ изгледаат дека се далеку од договор за заеднички претседателски кандидат или со други зборови, коалициските партнери ќе излезат со свои кандидати. Во СДСМ сѐ уште продолжува процесот на оценување на кандидатите, иако неофицијално во редовите на социјалдемократите кружат имињата на Стево Пендаровски, Оливер Спасовски и Фатмир Битиќи.
Претседателот на СДСМ, Димитар Ковачевски, рече дека ќе имаат кандидат за претседател. Тој не сакаше да ја коментира можната кандидатура на Али Ахмети.
Се очекува ДУИ да го открие кандидатот за претседател, сега откако се најде пред свршен чин по предлогот на опозицијата. Најспоменувано име е Бујар Османи, но засега нема ништо официјално. Во меѓувреме, албанската опозиција се одлучи за Арбен Таравари, кој треба да го започне процесот на собирање потписи. Левица ја избра Билјана Ванковска, а ВМРО-ДПМНЕ ќе го открие името на претседателскиот кандидат на Конвенцијата што ќе се одржи на почетокот на март. Крајниот рок за официјализирање на претседателските кандидатури е 20 март.
Адриан Керими
