ДУИ ја избегнува одговорноста за стратегијата за реформи
ДУИ се обидува да ја избегне одговорноста поврзана со стратегијата донесена во претходниот владин состав, а која е поврзана со реформите во јавната администрација. „Оваа стратегија никогаш не стигнала во Собрание и како таква никогаш не била одобрена“, изјави денеска Арта Билали Зендели, која го нарекува обид да се избегне фокусот од вистинската цел на Судот, уништувањето на Охридскиот договор.
„Во Собранието се одобруваат стратегии и нормативни акти. Таа не дојде во Собрание. Не можеме да кажеме дека се одобрила таму каде што не може да се одобри. Требаше да се изгласа во Собранието. ДУИ отсекогаш остро се спротивставувала на укинувањето на правичната застапеност и на укинувањето на Охридскиот договор“, рече Арта Билали Зендели – ДУИ.
Стратегијата која беше одобрена од претходниот владин состав СДСМ-ДУИ предвидуваше принципот на професионалност и компетентност и принципот на родова еднаквост да бидат примарни, додека во фазата пред одобрувањето на одлуката за избор, принципот на соодветна застапеност и правата на членовите на заедниците.
„На овој начин од една страна се надминува потребата од примена на алатката наречена „балансер“ која во пракса предизвикува многу злоупотреби, а од друга страна останува да се имплементира принципот на соодветна и правична застапеност на членовите на заедниците“, се наведува во Стратегијата за реформи во јавната администрација 2023-2030 година, ст 47.
Балансерот беше насочен и во последниот скрининг извештај на Европската комисија, за Кластерот 1 (Основни вредности), во кој беше посочено дека овој механизам „повеќе не ги исполнува целите и дека не ги одразува податоците од пописот на населението на жителите.“
Европска комисија:
„Балансерот – алатка за човечки ресурси – што го одредува соодносот на вработените во јавниот сектор од секоја етничка група повеќе не ги исполнува целите бидејќи процентот во формулата не ги одразува податоците од пописот на резидентно население. Паралелните процедури за вработување, дизајнирани да го зголемат бројот на вработени од редовите на заедниците во јавниот сектор, може да ја поткопаат примената на принципите на меритократија, ефикасност и еднаква застапеност, како и да влијаат на независноста на институциите при изборот на нивните вработени врз основа на потребите на институциите, следејќи ги критериумите за еднаква застапеност… Северна Македонија мора да обезбеди сите вработувања, унапредувања и деградации во јавната администрација, особено на високо раководно ниво, да се засноваат на заслуги и на транспарентност, вклучително и преку соодветна регулатива во националното законодавство.
Во медиумите беа објавени стотици случаи, како балансерот бил злоупотребен од граѓаните и институциите за вработувања, а наместо да се одржуваат квотите и транспарентноста, станал алатка за манипулација на партиите кои вработувале свои партиски војници во институциите. Ефикасноста на администрацијата е многупати критикувана од локални и меѓународни институции, таа е еден од основните столбови што земјата мора да ги исполни кон патувањето кон ЕУ.
Зекирја Хаџиу
