Двајца поранешни полицајци и уште едно лице се уапсени за оддавање службени тајни на криминалци

Полицијата уапси три лица кои се осомничени дека продавале „службени тајни“, односно ги поткажувале полициските акции на лица кои биле гонети за криминални активности. Станува збор за лицата Дарко Групчев и Ејуп Акија, поранешни вработени во МВР, како и третоосомничениот Оливер Петров. Последниов бил врската со поранешните полициски функционери кои давала информации на организираната криминална група која, според полицијата, била предводена од Шевал Муареми, а кој во моментов е под меѓународна истрага како креатор на групата Грчец.

Advertisements

„Од декември 2019 година до март 2021 година, знаејќи за постоење на интерес на поголем број на личности за добивање на вакви податоци и службени информации за актуелни криминалистички истражувања со посебен акцент за податоци дали и против кои личности и од кои причини се спроведуваат оперативни истражни дејствија како и дека таквите податоци можат да се прибават со давање на парични награди се поврзале со организираната криминална група вклучена во тешки кривични дела за кои се предвидени и доживотни казни“, велат од Министерство за внатрешни работи.

По акцијата на 25 јануари против Шевал Муареми и организираната криминална група, полицијата продолжила со анализа на разговори од апликацијата SKY/ECC. Од овој истражен процес излегоа имињата на Дарко Групчев и Ејуп Акија во комуникација со Оливер Петров, десната рака на Шевал Муарем.

„Од октомври 2023 година до јануари 2024 година, полицијата и Обвинителството за организиран криминал вршеа истрага против државјани на Северна Македонија поради сомнение дека се дел од меѓународни криминални групи кои преку апликацијата SKY/ECC организирале и транспортирале кокаин од Јужна Африка во ЕУ и Северна Македонија. Истрагата заврши со пријави против 16 државјани на Северна Македонија. Понатамошните анализи во соработка со Еурпол и Европравда покажаа дека обвинетите ги сториле делата за кои денеска се осомничени“, велат од Министерство за внатрешни работи.
Од рациите извршени во куќите на осомничените било утврдено дека Дарко Групчев поседува недвижен имот толку голем што не одговара на неговите приходи како полицаец. Пред пензионирањето, Ејуп Акија извршувал неколку раководни позиции во МВР, а по пензионирањето стана шеф на Меѓународната полициска асоцијација за Северна Македонија. Во меѓувреме, името на Оливер Петров се поврзува со многу други кривични дела, од кои едно е обид за убиство на синот на поранешниот шеф на службата за безбедност, Зоран Верушевски, во 2005 година. Петров во последно време е познат по врската со ѕвезда на македонската естрада./Алсат.мк