Движењето Беса ги претстави кандидатите за идни министри во новата Влада

Движењето Беса ги претстави кандидатите за идни министри во новата Влада. Беса која е дел од коалицијата Вреди соопшти дека иден министер за социјална политика демографија и млади ќе биде Фатмир Лимани. Министер за економија и труд ќе биде Бесар Дурмиши. А пак, заменик министер за култура и туризам ќе биде Седат Сулејмани. Овие кандидати ќе се најдат на листата која треба да поомине на седница на Собранието која е закажана за во вторник. ОД она што досега е познато е дека Изет Меџити ќе биде предложен за прв вицепремиер и министер за екологија и Арбен Таравари за министер за здравство.

Од ВМРО-ДПМНЕ, според неофицијални информации, Тимчо Муцунски може да биде номиниран за министер за надворешни работи, а Александар Николовски за министер за транспорт и врски. Владо Мисајловски би можел да биде предложен за министер за одбрана, додека Панче Тошковски се уште не е дефиниран дали ќе биде генерален секретар на партијата или ќе остане министер за внатрешни работи. За министер за образование се споменува името на Весна Јаневска. Во земјоделството е се споемнува името на Стефан Трифуновски, а за Култура и Министерството за енергетика имињата ќе се дознаат од состанокот на партиските тела в недела кога Мицкоски го свика Централниот и Извршниот комитет.
Имињата на двајцата министри со кои ЗНАМ ќе биде застапен во Владата се Правда и Администрација, партиските тела ќе ги одредат вечерва на состанок на раководството на партијата. Пред неколку дена, мандатарот за формирање на Владата, Христијан Мицкоски, рече дека разговорите се завршени и во рамки на третиот ешалон и наскоро ќе излезат со конкретни имиња. Гласањето за владата се очекува да се одржи на 23 јуни./Алсат.мк
Адриан Керими