Една година од прогласувањето на пандемијата од СЗО, ситуацијата физички и психички се одрази врз здравјето на граѓаните
Изолирани, оштетени и психолошки и финансиски. Вака анкетираните граѓани ја заокружија годината со пандемија. Некои изјавија дека побарале психолошка помош додека се соочувале со последиците од Ковид 19. Други пак, рекоа дека една година пандемија не може да се опише кога станува збор за финансиските последици.
„Беше катастрофа, многу тешко, мораме да се соочиме со тоа. Многу тешка година во финансиска смисла, јас сум пензионер.“
Граѓаните изјавија дека последна надеж за надминување на оваа пандемија се вакцините.
„Сега не знаеме кого да слушаме, едниот вели не ја примај вакцината, другиот вели примај ја. Имам седум лекари во моето семејство, тие ми велат да ја примам вакцината… Ќе ја примам вакцината“.„Иако вакцината излезе, на хоризонт нема што да се надеваме, да бидеме малку пооптимисти, сега имаме само надеж од Бог.“
СЗО на 11 март минатата година го прогласи корона вирусот за глобална пандемија. До тој ден, над 118.000 случаи на ковид беа официјално регистрирани во 115 земји, додека 4.291 лице го загубија животот. Една година подоцна, бројот на луѓе кои починаа ширум светот поради новиот вид коронавирус достигна над два и пол милиони, додека бројот на заболени достигна скоро 119 милиони. Од почетокот на пандемијата, регистрирани се над 108 илјади заразени во земјава и над 3.200 смртни случаи од ковид 19.
Melihate Rustemi
