Египетскиот министер за Надворешни работи: Хамас го поздрави предлогот за прекин на огнот во Газа и сега го чекаме одговорот на Израел

Хамас го поздрави предлогот за прекин на огнот во Газа и сега го чекаме одговорот на Израел- изјави денеска египетскиот министер за надворешни работи Самех Шукри, кој е во официјална посета на Мадрид.

Advertisements

Американскиот претседател Џо Бајден пред неколку дена презентираше детали од нацрт мировниот договор кој предвидува три фази на деескалација, почнувајќи со целосен прекин на огнот за шест недели и повлекување на израелските сили од густо населените области во Газа.

Договорот ги утврдува плановите за ослободување на заложниците и затворениците, повлекувањето на Израел од палестинската територија и обновата на Појасот Газа.