ЕК ги усвои реформските агенди за Македонија и уште четири земји од регионот

Европската комисија (ЕК) соопшти дека ги усвоила реформските агенди за пет земји од Западен Балкан – Северна Македонија, Албанија, Црна Гора, Косово и Србија.

Advertisements

Босна и Херцеговина (БиХ) беше исклучена од пакетот бидејќи поднесе нецелосна реформска агенда до Брисел.

ЕК порача дека очекува БиХ официјално да ја достави својата реформска агенда и оти ги поддржува властите да го финализираат документот, за доброто на сите граѓани.

Како што се наведува во соопштението од ЕК, усвојувањето на реформските агенди било клучно за да се овозможат исплати во рамки на планот на Унијата за реформи и економски раст, кој предвидува 6 милијарди евра за регионот – пари кои ќе се исплаќаат по завршување на договорените реформи.