Екс-амбасадорот Мухамед Халили коментира за одвојувањето на Македонија и Албанија на патот кон ЕУ
Најавата на еврокомесарот за проширување Оливер Вархеји дека Македонија би можела да биде одвоена од пакетот за интеграција со Албанија ако не најде решение за спорот со Бугарија, според експерти во Скопје, нема да биде добро решение. Поранешниот амбасадор Мухамет Халили оценува дека таквата одлука можеби е тешко да се донесе, бидејќи за време на реформите во ЕУ, Макрон и Меркел изјавија дека раздвојувањето на Македонија и Албанија би било опасно.
„Сметам дека ако одвојувањето тогаш беше опасно, опасноста од одвојувањето сè уште постои и тоа всушност ќе биде многу долго понатамошно продолжување на преговорите на Македонија кон ЕУ, што може да има пошироки импликации и балкански и регионални.“
Но, Симонида Кацарска, од Институтот за европска политика, вели дека таквата можна одлука не треба да нè изненадува бидејќи со години наназад се очекувало нешто вакво за Албанија.
Кацарска и Халили го нарекуваат погрешно мислењето на премиерот Заев кој рече дека решението со Бугарија може да се постигне и со тамошната техничка влада затоа што после изборите Софија не може да добие нова политичка влада.
„Тој направи грешка. Во политиката се знае дека секогаш, секаде, во секоја земја, прашањата што имаат главен карактер ги решаваат политички влади. Политичката влада значи дека одредени политички партии преземаат одговорност и евентуален успех во решавањето на спорот.“
Двајцата се убедени дека спорот со Бугарија ќе се реши само кога во Софија ќе има стабилна влада.
Mefail Ismaili
