Експерти: Тајната полиција не треба да биде во рацете на еден човек

Спојувањето на Агенцијата за национална безбедност и Агенцијата за разузнавање во моментов не е препорачливо за држава која доживеа масовно прислушување под раководство на Сашо Мијалков, вели професорот по безбедност Башким Селмани. Тој вели дека колку е поделена власта, толку е поголема функционалноста на безбедносните институции.

„За жал, демократијата во Македонија се покажа како нефункционална како што беше случајот со Мијалков кога целата власт премина на поединец. Да се ​​влијае на безбедносните институции значи да се влијае на интегритетот на државата, да се влијае на безбедноста, да се влијае на економската безбедност и индивидуалната безбедност на граѓаните, а од друга страна, овие институции немаат дадено реален пристап кон она што се случи во минатото. Затоа, спојувањето на овие институции ќе создаде повеќе замајување…“, рече Башким Селмани, професор по безбедност.

Професорот Селмани вели дека извршната власт прво треба да ја анализира работата на институциите а евентуалните промени добро да се испланираат.

„Гледајќи го функционалниот и финансискиот аспект, треба да се види кои биле приоритетите, отстапувањата и неуспесите. Исто така, би било добро овие промени да не се случат годинава, туку прво да се направи проценка на функционалноста со помошните тела на НАТО..дури тогаш ќе имаме закрепнување на безбедносната состојба. Напротив, секоја промена што ќе се случи во моментов, не добро анализирана, значи дека колку повеќе се засегнати овие институции, толку повеќе се ограничува демократијата и се повеќе се централизираат државата и власта“, додава Селмани.

Анализата на владиниот план за спојување на двете клучни безбедносни институции, Агенцијата за национална безбедност и Агенцијата за разузнавање, доаѓа еден ден откако Мицкоски потврди дека тоа  очекува да се случи за неколку месеци. Планот постоеше уште од времето на владата на Заев, но беше ставен во мирување, со образложение дека се уште не созреале условите за тоа. Агенцијата за национална безбедност во моментов е под надлежност на Владата додека Агенцијата за разузнавање е под надлежност на претседателот. Засега не се знае што опфаќа планот за спојување во однос на овластувањата, и поделба на внатрешните сектори на тајните служби.

Фатлуме Дервиши