Најмалку шест лица загинаа, а осум се повредени во пожар во ресторан во градот Мост на северозападот на Чешка. Пожарот, како што информираа итните служби, настанал по експлозија на боца со пропан-бутан.
Според првичните информации од очевидци, пожарот се случил по превртување на греалка на гас.
Шестмина од повредените, во тешка состојба се пренесени во болниците во Мост и Прага.
V mostecké restauraci Kojot došlo k výbuchu propanbutanové lahve. Podle prvotních informací od svědků došlo k převržení ohřívače s následným požárem. Při tragédii zemřelo 6 lidí a dalších 8 bylo se zraněním převezeno do nemocnice. Na místě zasahuje 12 jednotek požární ochrany. pic.twitter.com/IdUSvwGQGz
— Hasičský záchranný sbor ČR (@hasici_cr) January 12, 2025
Од ресторанот и околните згради пожарникарите евакуирале 30 други лица. Од угостителскиот објект било извлечено и тешко повредено лице кое било заглавено во тоалетот.
На местото на несреќата интервенирале 12 противпожарни екипи, кои спречиле објектот целосно да изгори.
Причината за пожарот и предизвиканата материјалната штета во моментов се под истрага.
