Продолжениот викенд, но и високите температури, го испразнија главниот град.
Од почетокот на топлотниот бран, температурите денеска го достигнаа својот врв. Не секој ги почитува препораките на Институтот за јавно здравје за избегнување работа на отворрено помеѓу 11 и 17 часот. Во пикот на жештината, на улиците имаше работници кои ги извршуваа своите работни задачи без прекин.
„Тешката работа е што сме на сонце осум часа на ден. Правиме петминутна пауза и повторно продолжуваме со работа.
Денес е недела, но температурите се исто така високи, нели денес одмарате, на пример?
Не, имаме обврска, ни дадоа задача да ги садиме овие цвеќиња„, рече Вработен во ЈП „Паркови и зеленило“.
Генерално, пазарот и чаршијата беа празни. Некои од граѓаните излегле поради обврски, додека други биле на прошетка.
„Само така, на прошетка.“
– Немате ли проблем со овие високи температури?
„Малку е проблем, ама што да правиме, времето си го прави своето.“
– Значи, можете да издржите?
„Нормално, да!“, рече еден граѓанин.
„Не, за мене не е тешко, затоа што немам никаква болест. Малку имам притисок, а друго ништо. Можам да издржам и на жешко и на студено. Фала му на Бога, сум здрав.“
– Излеговте за свое задоволство или за работа?
„Ќе одам да терам Бајрам во Хасанбег“, додаде друг.
Од Институтот за јавно здравје апелираат до граѓаните, особено до оние над 60 години, децата, бремените жени и лицата со хронични заболувања, да ги почитуваат препораките. Останете во сенка, консумирајте што е можно повеќе течности, особено вода. Според Хидрометеоролошкиот завод, максималната температура во Скопје достигна 38 степени, додека од следната недела се предвидува благ пад на температурите./Алсат.мк
Зекирија Хаџиу
