Во Олимпија, главниот град на сојузната држава Вашингтон, избувнаа судири меѓу приврзаниците на сегашниот американски претседател Доналд Трамп и членовите на Антифа, левичарско движење.
– Едната група се идентификувала како ‘Патриотска молитва’, а другата одбила да се легитимира, но носела препознатливи симболи – изјавил претставникот на државната полиција, Дарен Рајт, објави локалниот дневен весник „Олимпијан“.
Групата „Патриотска молитва“ е ултрадесничарска организација од Ванкувер, која организира чести протести во Портланд, додека Антифа е широко антифашистичко движење кое ги обединува сите противници на расизмот, нацизмот и белиот национализам во САД.
Individual who fired his gun earlier in the day can be seen at the :23 second mark pointing his firearm at protesters. According to an Olympia Police officer, that individual has been arrested & they are currently investigating the shooting. #Washington #Portland #Protest #fight pic.twitter.com/e4LQFPWb79
— Independent Media PDX (@NDpendentPDX) December 6, 2020
На социјалните мрежи се објавени снимки на кои се гледа како приврзаниците на Трамп ги удираат членовите на Антифа со американски знамиња, пријавено е пукање, а снимките јасно покажуваат дека некои од учесниците во конфликтот држеле огнено оружје во рацете.
Полицијата соопшти дека уапсила член на Антифа, кој е осомничен дека физички нападнал демонстрант на Патриотската молитва.
За време на конфликтот, група маскирани демонстранти фрлиле солзавец, но по интервенцијата на полицијата, ситуацијата се смирила.
Сепак, припадниците на безбедносните сили останале на улиците на Олимпија.
