Првата фаза од продажбата на влезници за Европското првенство во 2024 година што ќе се одржи во Германија, почнува утре во 14 часот со апликации за 1,2 милиони билети.
Advertisements
Секој навивач ќе може да аплицира за максимум четири влезници до 26 октомври кога со ждрепка ќе биде одлучено кој ќе може да ги купи. Цените на билетите се движат од 30 евра за натпреварите во групната фаза до 1.000 евра за финалето во Берлин.
Ждрепката за групите на Европското првенство ќе се одржи на 2 декември во Хамбург, а континенталниот шампионат е закажан за периодот од 14 јуни до 14 јули 2024 година. Актуелен првак е Италија, но уште е неизвесно дали оваа репрезентација ќе успее да се пласира на првенството.
