Нашиот ракометен шампион, Еурофарм Пелистер, втора година по ред ќе биде единствен претставник на Македонија во Лигата на шампионите на ЕХФ.
Старо-новиот првак на Македонија се најде во третиот шешир од ждрепката, заедно со дел од екипите кои добија специјална покана или т.н „вајлд-карта“ за учество во елитниот ранг (Динамо Букурешт, Загреб, Спортинг Лисабон и Колштад)
Шест екипи од првиот шешир ќе бидат поделени во првите места од двете групи (A1, A2, A3, B1, B2, B3), a кон нив ќе се додадат уште по три од вториот шешир (А4, А5, А6, В4, В5, В6). Од третиот шешир во групната фаза ќе влезат уште четири екипи кои ќе ги пополнат позициите А7, А8, В7 и В8.
Прв шешир:
Барселона, Магдебург, Висла Плок, Алборг, Веспрем и ПСЖ
Втор шешир:
Фуксе Берлин, Киелце, Фредерисија, ПИК Сегед и Нант
Трет шешир:
Еурофарм Пелистер, Загреб, Динамо Букурешт, Спортинг и Колштад
Извлекувањето на групите ќе се одржи денес во Виена, со почеток во 17:30 часот.
