Еве до каде се заедничките гранични премини ветени од Заев и Рама

Поранешниот премиер Зоран Заев, пред повеќе од една година, во Тирана заедно со албанскиот премиер Еди Рама го потпишаа договорот за заеднички гранични пермини со Албанија. Но и по повеќе од 13 месеци овој договор останува само на хартија. На главниот премин, Ќафасан, нема ништо конкретно.

Advertisements

Владата молчи. Не одговорија на прашањата кои се причините за доцнењето на договорот и дали тој некогаш ќе се спроведе. Нема одговор ниту од Кабинетот на премиерот Еди Рама.

На 10 јуни минатата година, Рама и Заев по потпишувањето на договорот порачаа дека ова е важен чекор за олеснување на протокот меѓу двете земји.

„Уште еден договор во рамките на заеднички промовиран процес на олеснување за слободното движење на луѓе, стоки, услуги и капитал. Овој договор е специјално за заеднички гранични премини кои значително ќе го олеснат движењето меѓу граѓаните на двете земји“, рече Еди Рама.

Заедничката царина меѓу С Македонија и Албанија со години ја ветуваат властите во земјава. Во моментов земјава има заедничка гранична контрола само со Србија и тоа на граничниот премин Табановце./Alsat.mk

Мефаил Исмаили