Фатмир Бесими оптимист за реализација на капиталните инвестиции, но локалните избори може да ги забават

Капиталните расходи заклучно со август се 39,5 отсто или за 8,5 процентни поени повеќе од крајот на јули годинава. Ова го изјави министерот за финансии Фатмир Бесими на денешниот брифинг со новинарите. Тој истакна дека е оптимист за реализација на овие расходи, но дека локалните избори може да ја забават нивната динамика. Бесими додаде и дека побарал од институциите да ги исплатат сите пари за веќе реализираните капитални инвестиции со што ем ќе се исчистат старите обврски, ем ќе се подобри реализацијата.