Фазлији: Сивата економија цвета кај занаетчиството

Сивата економија е мошне присутна во занаетчиството, а за тоа придонесува и донесувањето на одредени закони кои иницираат појава на истата, вели во своето вечерашно гостување во емисијата „Економски Магазин“ претседателот на Занаетчиската комора, Агрон Фазлији.

Advertisements

„Сивата економија моментално цвета кај занаетчиството и мислам дека најголемиот удар што го прави во занаетчиството е сивата економија, која со години никако не можеме да ја сузбиеме. Ние како Комора реагираме, бидејќи секој втор, трет дуќан работи на црно и затоа пати и формалната економија. Мислам дека донесување на закони за иницирање на сива економија придонесува за затворање на дејности и напуштање на државата“, вели Фазлији.