ФИФА експресно одговори на вчера појавените шпекулациите за воведување син картон на фудбалските натпревари.
Светската фудбалска федерација јасно стави до знаење дека извештаите за таканаречениот син картон на врвните фудбалски нивоа се неточни и предвремени.
„Секое такво тестирање, доколку се спроведе, треба да се ограничи на одговорно тестирање на пониски нивоа. ФИФА ќе се придржува до овој став кога ќе разговара за ова прашање на годишното генерално собрание на ИФАБ на 2. март“ – се вели во соопштението на ФИФА.
Како што е познато, вчера се појавија информации дека од следната сезона на фудбалските натпревари ќе биде воведен син картон. Фудбалерот кој ќе добие син картон ќе биде надвор од игра десет минути поради груб прекршок или несоодветно однесување и потоа се враќа во игра./Ekipa.mk/
