Филипче ја презеде функцијата од Ковачевски – најави реформи во СДСМ
Венко Филипче денеска во седиштетото на партијата ја презеде функцијата претседател на Социјалдемократскиот созуз (СДСМ) од поранешниот лидер Димитар Ковачевски, информираат од партијата.
„На примопредавањето на функцијата, Ковачевски му честиташе на Филипче на изборот и му посака успех во работата и повторно градење на победнички СДСМ. Филипче се заблагодари на честитките, како и за ангажманот на Ковачевски во изминатите години, како претседател на партијата и премиер на владата“, велат од СДСМ.
Венко Филипче е избра за нов претседател на Социјалдемократскиот сојуз (СДСМ) на 30 јуни, како што соопшти Централната изборна комисија на партијата, во фер и демократска процедура на внатрепартиски избори. Од излезените нешто над 12 илјади члена, Филипче доби 9 052 гласа.
