Филипче: Нови рестрикции ако не се смири бранот на нови случаи

Продолжување на полицискиот час и скратување на работата на угостителските објекти би биле евентуалните рестрикции што следно би се презеле доколку не се смири бранот на новозаболени со ковид во земјава, најави денеска министерот за здравство Венко Филипче.

Advertisements

Но, како што рече, тие се сега само евентуални бидејќи во моментов проценката е дека ситуацијата треба да остане како што е.

Филипче рече дека по неколку дена со илјада и над илјада новозаразени за еден ден, денеска нивниот број е под илјада. Најави дека ќе се следи ситуацијата викендов и на почетокот на следната недела Комисијата за заразни болести ќе ги анализира податоците.