Фон дер Лајен: Ова е пресвртница за Европа и за Украина

Европа и Украина се на пресвртна точка, изјави денеска претседателката на Европската комисија Урсула фон дер Лајен, додавајќи дека ЕУ мора да покаже дека ќе стои покрај Украина онолку долго колку што е потребно.

Advertisements

„Ова е пресуден момент за Европа и Украина“, им рече фон дер Лајен на новинарите по пристигнувањето на состанокот на Европскиот совет во Брисел.

Таа додаде дека „Европа се соочува со јасна и присутна опасност“ и затоа мора да биде способна да се заштити и одбрани, „исто како што мораме да ја ставиме Украина во позиција да ја заштити и негува траен и праведен мир“.