СВЕТ

Франција ги укинува ограничувањата за патници вакцинирани со вакцините признаени од ЕМА

Франција ќе ги зајакне ограничувањата на невакцинираните патници од низа земји за да се спротивстави на враќањето на инфекциите со КОВИД-19, истовремено отворајќи ги вратите за оние кои ги примиле вакцините, рече денеска премиерот Жан Кастекс, пренесува Ројтерс.

Овој потег доаѓа во моментот кога Франција се соочува со брз наплив на нови инфекции со коронавирус,  а претседателот Емануел Макрон се обидува да ги убеди французите да се вакцинираат.

Од недела, 18 јули, невакцинираните лица кои доаѓаат од Велика Британија, Шпанија, Португалија, Кипар, Холандија и Грција ќе треба да презентираат КОВИД-19 тест направен помалку од 24 часа пред да влезат во Франција.

„Бидејќи вакцините се ефикасни против вирусот, а особено неговата варијанта Делта, ограничувањата што важат за патниците кои имаат корист од целосен распоред за вакцинација со вакцина признаена од Европската агенција за лекови (Pfizer, Moderna, AstraZeneca или Janssen) ќе се повлечат од оваа сабота, 17 јули“, рече тој.

Прикажи повеќе

Related Articles

Back to top button