Германија ги продолжува граничните контроли за намалување на илегалната миграција

Германската влада ги продолжи контролите на сите копнени граници на земјата за уште шест месеци во обид дополнително да ја намали илегалната миграција, изјави денеска (12 февруари) канцеларот Олаф Шолц, пренесе ДПА.

Advertisements

„Со граничните контроли, ние ефикасно ја туркаме нерегуларната миграција, како што покажуваат бројките“, пишува Шолц во писмената изјава во која ја објаснува одлуката.

И министерката за внатрешни работи, Ненси Фезер изјави дека со контролите ќе се стави крај на шверцот на луѓето преку границите.

„Ние ги запираме шверцерите кои брутално ги шверцуваат луѓето преку границите и ставаме крај на криминалците и екстремистите“, изјави Фезер.