Германија во наредните недели ќе ѝ го достави на Украина третиот систем Патриот
Германија во наредните недели ќе ѝ го достави на Украина третиот систем Патриот
Германија во наредните недели ќе ѝ го достави на Украина третиот систем Патриот и дополнително оружје, објави денес германскиот канцелар Олаф Шолц.Обраќајќи се на Конференцијата за обнова на Украина, Шолц рече дека Германија веќе испорачала или одвоила оружје во вредност од 28 милијарди евра за Украина и ќе продолжи да ја поддржува одбраната на Киев.
Шолц, исто така, ги повика западните сојузници да ги разгледаат нивните залихи и да обезбедат повеќе системи за противвоздушна одбрана на Украина во услови на зголемени руски напади врз економската и енергетската инфраструктура.
Лидери и дипломати од над 60 земји присуствуваат на дводневната Конференција за закрепнување на Украина во Берлин, која има за цел да мобилизира меѓународна поддршка за економска стабилизација на Украина, закрепнување од војната и реформи за членство во ЕУ.
