Конзервативците на Фридрих Мерц победија на изборите во Германија, многу пред ривалските партии, но со помалку од 30% од гласовите што ги очекуваа.
Сепак паралено со нивната победа славеше и екстремно десничарската Алтернатива за Германија, која забележа рекорден резултат на второто место со освоени 20,8%.
Кандидатот за канцелар на АфД, Алиса Вајдел, направи победнички круг на своите приврзаници, но дури и нејзината партија се надеваше на поголем резултат и расположението во седиштето на АфД беше постишено.
Со пребројувањето на гласовите утрово стана јасно дека АфД е далеку пред другите партии, со проектирани 34 отсто.
По падот на трипартиската коалиција на Олаф Шолц кон крајот на минатата година, Мерц побара од електоратот силен мандат за формирање јасна коалиција со една партија.
Тоа ќе му овозможи да реши што повеќе проблеми на Германија за четири години, рече тој.
Мерц ја отфрли можноста за соработка со АфД.
Но, неговиот најверојатен партнер, социјалдемократите, го доживеаја својот најлош резултат досега со 16,4%.
