Гир: Помала употреба на европското знаменце во Собранието
Амбасадорот на ЕУ во Скопје Дејвид Гир, вели дека власта и опозицијата мора да се откажат од политичките определби кога се во прашање државните интереси и европската агенда на земјата. Гир во интервјуто за „360 Степени“ на Алсат, додава дека Владата треба да се откаже од ставање на знамето на ЕУ, на секаков закон само за да ја скрати расправата, а опозицијата да се откаже од блокадите на законодавецот.
„Она што го гледаме е процес на длабинска поларизација и она што ни треба во моментов за сите политички партии да седнат и да кажат: да, не се согласуваме за многу работи, но се согласуваме за националните интереси, се согласуваме за европската агенда, така што тоа мора да го слушнат сите страни. Не беа ли сите политички актери кои го потврдија ова убедување. Мора да соработуваат и да обезбедат унапредување на европската агенда иако не се согласуваме за многу работи. Ова значи уште помалку да се користи знамето на ЕУ во законите, за да се скратат законите, но и да не се блокира Собранието само затоа што може да се блокира“, рече Гир.
Од ВМРО-ДПМНЕ оценуваат дека Гир ги потврдил нивните обвинувања дека Владата го злоупотребува знамето на ЕУ во законите, вклучително и предлогот на закони со скратена постапка.
„Гир го потврди она што долго време го изјавуваме. Не само што е злоупотребено знамето на ЕУ, туку и скратената постапка е лошо употребена. Овој факт се забележа од дипломатите. Реакциите на опозицијата се резултат на Владата и нејзините тенденции за избегнување на транспарентноста “, наведоа од ВМРО-ДПМНЕ.
Од СДСМ не ги коментираа позициите на амбасадорот Гир, а не ги коментираа ниту албанските партии. Во меѓувреме, партијата Левица бара измена на Кривичниот законик и во членовите за злоупотреба на службената положба да се вметне одредба со која би се вклучила и злоупотребата на знамето на ЕУ во собраниските постапки. Поставувањето на знамето на ЕУ на предлог-законите значи дека нацртот е втемелен и се вкрстува со европското законодавство. Само Владата го ужива правото да го постави знамето на ЕУ.
Адријан Керими
