Големо невреме попладнево го зафати Тетово проследено со силен ветер и пороен дожд

Големо невреме попладнево го зафати Тетово проследено со силен ветер и пороен дожд. Иако невремето траеше кратко, има оштетување на електричната мрежа, опаднаа дрвја, а има и оштетени автомобили.
Најголеми штети има на улицата Бране Стефановски, веднаш до старата градинка.

Advertisements

Таму силниот ветер од корен откорна големо дрво кое падна на жиците од електричната мрежа поради што тој дел од Тетово останабез електрична енергија. Дрвото исто така оштети и неколку паркирани возила од кои најголема штета е направена врз едно фургон возило. Штети кои ги направи невремето се пријавени и во други делови на градот.