Гостиварци се жалат дека отпадот не се собира
Гостиварци се жалат дека отпадот не се собира
Жителите од периферните населби на Гостивар се пожалија дека сметот од ден на ден се зголемува, а јавното комунално претпријатие навремено не го чисти. Жителите велат дека освен во некои населби на периферијата, нечистотија има и во градскиот парк на Гостивар.
„Нема време претпријатието. Отпадот во село Равен е таму две недели. Ова е срамота. На овие температури отпадот смрди“, рече еден жител.
„Мора малку да исчистат, секој месец ги добиваат парите и треба да ја завршат работата. Приватна фирма доаѓа и ги зема. Да, општината треба да ги земе овие работи во свои раце. Ѓубре има не само во паркот, туку секаде, ѓубре има насекаде“, изјави еден жител
„Според директорот на јавното претпријатие „Комуналец“ од Гостивар, онаму каде што е чисто работи јавното претпријатие, додека во некои населби на периферијата на Гостивар каде што има нечистотија или не се собира ѓубрето навреме, приватни фирми се одговорни за чистење на отпадот, а забораваат дека овие фирми се во надлежност на општина Гостивар и Јавното претпријатие Гостивар“.
„Во еден дел од приградските населби управуваат приватни фирми, а ние не сме ангажирани како претпријатие. Имаат договор со општината. Има и гостиварски маала, но има и села со кои стопанисуваат приватни фирми. Овој месец ја направивме првата инвестиција во компанијата со два камиони и дефинитивно ќе го зголемиме капацитетот на работниците да бидат на услуга на граѓаните“, изјави Зијадин Нуредини – директор на ЈКП „Комуналец“ Гостивар.
Јавното претпријатие Гостивар како и другите општински претпријатија во реонот работи со тешкотии и долгови. Директорот на претпријатието изјави дека наскоро ќе има нови вработувања и зголемување на бројот на работници. /Alsat.mk
