Градинката во Арачиново е изградена, но деца не се примаат
Градинката во Арачиново е изградена, но деца не се примаат
Објектот што го гледате зад мене е градинката на Арачиново. За жал, иако е подготвена да ги прифати истите деца, се уште не почнала да функционира. Ова од причина што не е дадена согласност за вработените кои според одлуката на Владата се очекува да започнат со работа во овој објект.
Градоначалникот на општина Арачиново, Ридван Ибрахим за Алсат изјави дека се соочува со бирократски процедури за отворање на градинката. Според Ибрахими, градинката е веќе осум месеци комплетно завршена за настава, каде првично се очекува да бидат запишани 115 деца.
„Мислам дека овие административни процедури се многу непотребни. Кога се донесе одлука на Владата за изградба на градинка со овој капацитет, се декларира и бројот на вработени, се пријавуваат одредени профили, а не неколку пати доставуваме барања. Само во последниот период, три месеци добивме неколку измени, ги забрзавме сите процедури од наша страна, ги направивме измените, го намаливме бројот на вработени, но се уште сме без одговор“, рече Ридван Ибрахими, градоначалник на општина Арачиново.
Џенур Исени е само еден од родителите на Арачиново кој се соочил со бројни тешкотии додека го запишувал своето дете во една од скопските градинки. Како што рече, дури и многу семејства се принудени да се преселат во градот поради недостигот на градинки.
„Ненамерно или насилно биле принудени да мигрираат од Арачиново во Скопје, да живеат под кирија, само за да имаат каде да го остават детето додека одат на работа. Единствено што треба да се направи е дека децата не знаат политика и мора да ги надминат овие политички разлики или политички инстинкти за да можат децата да ги уживаат придобивките од градинката, тоа е се што треба да се направи. Но, времето ќе покаже колку можеме да го направиме ова“, додаде Џенур Исени, родител.
Нефункционирањето на градинката ги револтираше и останатите жители и покрај тоа што немаат деца од предучилишна возраст. Тие рекоа дека на Арачиново веќе и се потребни повеќе градинки со оглед на големиот број жители. Од Министерството за социјална работа не добивме никаков одговор дали постапките за ставање во функција на оваа градинка се во оваа институција или се насочени кон други надлежни институции./Алсат.мк
Мелихате Рустеми
