Градоначалничката на Грац, Елке Кар, денес изјави дека девет лица се убиени во пукотница во училиште во Грац – седум ученици и еден наставник, како и напаѓачот кој извршил самоубиство.
Германските медиуми објавија дека најмалку 10 лица се ранети во пукотницата што започнала околу 10 часот наутро, и дека напаѓачот, исто така ученик, испукал истрели во две училници.
Австрискиот весник Курир објави дека можеби имало двајца напаѓачи.
Австриското Министерство за внатрешни работи потврди дека неколку лица се мртви и тешко повредени, а според портпаролот на полицијата, Фриц Грундиг, сторителот веројатно извршил самоубиство, објави ORF.
Порталот Профил објави дека сторителот отворил оган кога во училиштето бил во тек устен матурски испит.
Се додава дека сторителот верувал дека е жртва на злоупотреба и наводно бил пронајден мртов во еден од тоалетите.
Голем број полициски единици се на местото на настанот, а училишната зграда е евакуирана и се пребарува.
Полициски хеликоптер кружи околу училиштето, а полицијата ја предупреди јавноста да не се приближува до училиштето.
